lipu pi nasin pona

lipu lawa

toki. ni li lipu pi nasin pona lon toki pona. toki Sonko la nimi ona li "道德經" ("Daodejing", anu "Tao te ching" kepeken ilo pi sin ala).

tenpo ni la lipu ni li pini ala. sina li wile pona e ijo la o toki tawa mi lon ilo IRC.

1

nasin li jo e nimi la
ona li nasin ala pi tenpo ale
nimi pi ken nimi li
wile ante tan tenpo

ala la mi nimi e tan pi ma en sewi
lon la mi nimi e mama pi ijo ale

ala li pona: mi ken lukin e ante nasin
lon li pona: mi ken lukin e ken nasin

tu la, ala en lon li kama tan tan sama
nimi ona li ante, pana ona li sama

sona ala lon sona ala
ni li open pi lon kin

2

jan lon anpa sewi
li lukin e "pona lukin" lon ijo pi pona lukin tawa ona.
kepeken ni la ona li sona e "ike lukin"

sama la ona li lukin e "pona" lon ijo pi pona tawa ona.
kepeken ni la ona li sona e "ike"

jan li ken sona e lon e ala tan ni: ijo ante li ante.
sama la, suli li pana sona tawa lili, ante la sewi tawa anpa.
kalama li wan la wan li lon.
wan li tawa, tu li kama.

tan ni la jan sona li pilin ala e ni: ona li jo e wile.
ona li pana sona e sona pi toki ala.
ona li toki ala, taso la soweli li pona.
jo li lon ala, taso la sewi li jo e ale.
tenpo pi ijo suli la pilin suli ala li lon.
tenpo pi pali la wile lukin li lon ala.
sina wile ala jo e suli la sina weka ala e suli.

3

jan lawa sona li pana sama e pona tawa jan ken en jan ante.
ni la ona li weka e utala.
ona li toki e ni: mani li suli ala.
ni la jan pi wile jo li kama ala.
ona li wile pini e kama mani
ni la lawa pi jan ona li kama ike ala.

tan ni mute la lawa pi jan sona
li pona e wile lon pi jan ona.
ona li weka e wile tan lawa ona
li pali e wawa insa ona.

ona li wile awen e pona pi lawa ona
li weka e wile ona.
ni la jan sona li kama sona e ni:
nasin ike ona li pali ala.
jan sona li pali e lawa pona la
ala li weka tan ma pona ona.

4

nasin li sama e telo pi tawa lili.
tenpo ale la ona li pana e wawa ona li pakala ala.

ni li sama e lupa suli suli lon kiwen.
mi mute li ken ala sona e ni, taso la ken la ni li tan ale.

ona li ken suwi e kiwen
li pona e utala
li pimeja lili e suno pakala
li wan e tu.
sona ala la, jan seme li sona e lon ona?

tenpo ni la mi sona e jan lili ala pi ni:
ona li sama e mama suli mi pi nasin pona.

5

sewi en ma li pona ala
li pali tawa ale sama soweli kasi pi pana sewi.
jan sona kin li pona ala.
lukin ona la jan ale li ante ala soweli kasi pi pana sewi.

insa pi sewi en ma
li ma mute.
sama la ma li lon lupa.
tomo ni li lupa li ante ala.
sina pali mute tawa ni la
ona li pana e kon mute

nimi li mute kin li kama tawa pini ona. pona la sina pilin ala pona anu ike li tawa e nasin lili.

6

pilin kama pona
li lon. nimi ona li meli pi ken ala sona.
open pi meli pi ken ala sona li
tan pi sewi en ma.
tan ni la, ken lukin ala la, taso la pini ala la,
wawa li tawa.

7

sewi en ma li pini ala.
ni li lon tan ni: ona li pali ala e ona.

sama la jan sona
li wile ala suli e sijelo ona.
nasa la sijelo ona li pona tan ni.
sijelo li sama ijo ante tawa jan sona.
tan ni la sijelo ona li pini ala.
ona li jo ala e sama la
ona li sona e sama ona lon anu seme?

8

jan pona li sama telo. telo li pana e lon tawa soweli ale li utala ala e ona li tawa ma ike. sama la jan pona li wile tawa ma ike ni la ona li lon poka nasin.

o pali pona e tomo sina,
o pali sona e lawa sina,
o pali pona tawa jan ante ala,
tenpo ale la o toki lon,
o lawa pona,
o pali pona:
ni la sina open e tenpo pona.

ni la nasin lon pi utala ala.
ni la jan li jo ala e ike e nasa.

9

sina jo e ijo mute pi wile sina la ni li pona.
taso la sina weka e ona la ni li pona mute.
sina pona mute e ilo kipisi la
ken la ni pakala.
sina li jo e mani mute lon tomo sina la
jan pi wile jo li kama.
sina jo e mani li pilin pona tan ni la
pini la sina pilin ike.
sina pini e ijo la o pini.
sina li pali e ni la sina sama nasin.